Bhakti Song 800

தினம்வாழ வேண்டும்

இதுபோன்ற ஒருவாழ்வு
தினம்வாழ வேண்டும்
எப்போதும் உன்னோடு
உறவாட வேண்டும்

இரவென்றும் பகலென்றும்
பேதம் இல்லாமல்
இதுபோன்று உன்னடி
நான்தேட வேண்டும்

இதற்கென்றே இவ்வாழ்வை
நீயிங்கு தந்தாய்
எப்போதும் உறவாடும்
வாய்பொன்று தந்தாய்

இசையோடு தமிழ்பாட
வரமொன்று தந்தாய்
இதையெண்ணி அனுதினம்
கொண்டாட வேண்டும்

எந்நேரம் உன்னையே
நானென்ன வேண்டும்
இதயத்தில் நீவந்து
குடிகொள்ள வேண்டும்

எனக்காக நீதந்த
புதுவாழ்வை எண்ணி
என்னுளம் உனைப்போற்றி
பண்பட்ட வேண்டும்

துதிக்கும் துதியினில்
தெய்வீகம் கமழும்
திருவடி நாடிட
தும்மையும் பெருகும்

தெவிட்டாத இன்பம்
தேனாகப் பாயும்
சிந்தையில் அமைதி
தன்போல நிறையும்

எஞ்சிய நாட்களும்
இதுபோன்று வாழ்ந்து
இதயத்தில் உனைப்போற்றி
மனமாறப் பணிந்து

இசையோடு பண்பாடி
உன்னையே பணிந்து
என்னையே உனதாக்கி
நான்வாழ வேண்டும்

மத்திகிரி, 10-1-18, காலை, 3.50

Bhakti Song 799

வருந்தக் கூடாது

ஒருமுறை எனக்குன்
தரிசனம் தாராயோ
உன்னையே காண்கிற
வாய்ப்பினை அருளாயோ

ஊனக் கண்களால்
உன்னையும் காண்பேனோ
ஒருமுறை உன்னையும்
தொட்டுமே பார்ப்பேனோ

உண்காட்சி கண்டதாய்
பலபக்தர் சொன்னார்
நீபேசி அவர்கேட்ட
அனுபவம் சொன்னார்

இதுவரை இவைஎலாம்
நான்கண்ட தில்லை
என்னவோ எனக்கு
அதில்நாட்டம் இல்லை

சிந்தையில் உண்காட்சி
பலமுறை கண்டேன்
உன்வேதம் பேசிட
அனுதினம் கேட்டேன்

அறிவாலே தேடி
உன்னையே அடைந்தேன்
அதன்மூலம் பக்தியில்
அனுதினம் வளர்ந்தேன்

ஆயினும் எனக்குள்ளே
ஒருகேள்வி உண்டு
அதற்கான பதிலும்
உன்னிடம் உண்டு

பிறர்பெர்ற அனுபவம்
எனக்கேன்நீ மறுத்தாய்
பேசாமல் மவுனமும்
நீயேன் காத்தாய்

பக்குவம் எனக்கில்லை
என எண்ணினாயோ
பாவத்தின் கறைகளை
போக்கலை என்றாயோ

பக்தியின் பணிவு
எனக்கில்லை என்றாயோ
பாவிதான் என்றே
புறக்கணித் தாயோ

இவற்றுக்கு பதிலை
நான்கேட்கும் போது
வீணாக சிரித்து
மழுப்பக் கூடாது

அதனாலே எனக்கு
கோபம் வரும்போது
அதற்காக நீயும்
வருந்தக் கூடாது

இதைக்கேட்டும் இன்னும்
ஏன் சிரிக்கின்றாய்
ஏன்இந்த நாடகம்
வீணே நடிக்கின்றாய்

இவற்றின் தேவை
எனக்கில்லை என்றோ
எனக்குள்ளே நீவாழ்ந்து
அருள்காட்சி தருகின்றாய்

மத்திகிரி, 9-1-18, இரவு 11.10

Bhakti Song 798

உன் கிருபையே ஆகும்

என்னவோ நேரம்
போகட்டும் என்று
ஏதுமே நானும்
செய்யவே மாட்டேன்

ஒவ்வொரு நொடியும்
நீதந்த தென்று
உணர்ந்த நானும்
உனக்கென வாழ்வேன்

எதைச் செய்தாலும்
உனக்கெனச் செய்ய
ஏதுமே எனக்கு
பாரம் ஆகாது

உன்னையே என்னுள்
வைத்துமே செய்வதால்
எல்லாமும் எனக்கு
உன்பணி ஆனது

விரும்பியே செய்வேன்
சிலமுறை நானும்
வெறுப்புடன் செய்தேன்
பலமுறை தானும்

ஆயினும் இறுதியில்
அவைகளை நானும்
ஐயனே செய்தேன்
உனக்கென நாளும்

உணர்வுடன் உன்னுடன்
வாழ்கின்ற போது
ஒவ்வொரு நொடியும்
பயனுள்ள தானது

உன்னுடன் உனக்கென
வாழ்கின்ற போது
வீணிலே நேரம்
போவது ஏது

ஒருசில நேரம்
உணர்ச்சியும் மோதும்
பலமுறை மனதோ
அமைதியாய் வாழும்

எனவே அனுபவம்
ஏதான போதும்
எல்லாமே நீதரும்
கிருபையே ஆகும்

மத்திகிரி, 9-1-18, மதியம் 2.55

Bhakti Song 797

இதுபோல நடத்திடு

நான்னென்ன செய்யட்டும் என்று
நாள்தோறும் சொல்லியே தருவாய்
நானாகச் செய்யட்டும் என்று
தள்ளியே ஒருபோதும் நில்லாய்

ஏனென்று உனக்குமே தெரியும்
என்எல்லையும் உனக்குமே புரியும்
சொன்னதைச் செய்யவே அறிவேன்
சொந்த பெலத்தை நம்பேன்

இதுவரை அதைத்தானே செய்தாய்
ஏந்தியே அழைதுமே வந்தாய்
எப்போதும் கூடவே நின்றாய்
இணைந்துமே எல்லாமும் செய்தாய்

நானாகச் செய்திட்ட போது
நட்டங்கள் ஏராளம் வந்தது
நீசொல்ல நான்செய்த போது
எல்லாமே நன்மையாய் ஆனது

இதையுமே கண்கூடாய்க் கண்டேன்
எத்தனை அமைதியும் கொண்டேன்
எனவேதான் வேண்டியே வந்தேன்
இதுபோல நடத்திடு என்றேன்.

மத்திகிரி, 9-1-18, மதியம் 2.20

Bhakti Song 796

வரம் கொடு

கொடுத்ததை நீயே
எடுத்துமே கொண்டாய்
கொஞ்சமும் எனக்கில்லை
வருத்தமும் இதிலே

இதுவரைத் தந்ததை
எண்ணி எண்ணியே
என்னுளம் சொல்லுது
நன்றிகள் கோடியே

நான்கேட்டு நீயுமே
தரவில்லை என்பதால்
மீண்டும்நீ மறுத்திட
நட்டமோ எனக்கில்லை

ஒருவிதம் இதுவுமே
நல்லதாய்ப் போனது
ஓயாத எண்ணமும்
தன்போல நின்றது

ஆயினும் உள்ளத்தில்
சிறுஆசை உள்ளது
அதமட்டும் இப்போது
சொல்வதும் நல்லது

என்னதான் உன்னைநான்
வழிபட்ட போதிலும்
இதன்முன் அவைஎலாம்
வெறுமையாய்த் தோணுது

அன்றாடம் ஒருபாட்டு
எழுதினால் மட்டுமே
அடியவன் மனதிலே
நிறைவுமே பெருகுது

இதையெண்ணி மீண்டுமே
எடுத்ததைத் தந்திடு
இன்னும் சிலபாடல்
எழுதிட வரம்கொடு

மத்திகிரி, 8-1-18, இரவு 11.45

Bhakti Song 795

இந்த வரம் கேட்டேன்

வேறேதும் செய்ய அறியேனே நானும்
விரைந்தே பணிந்திட வந்தேனேநாளும்
கோவே எந்நிலை அறிவாயே நீயும்
கூறிட வேறென்ன உனக்குமே நானும்

உன்னாலே நானிந்த வாழ்வையும் பெற்றேன்
உனக்கென தருவதை மட்டுமே அறிவேன்
அதை எண்ணி அனுதினம் மகிழ்ந்தேன்
அதனால் திருவடி பணிந்திட வந்தேன்

முறையிடும்படி நீ குறையேதும் வைக்கலை
முனிந்திடும்படி ஒருபோதும் நடக்கலை
தகுதியைப் பார்த்து நீயும் தரவில்லை
தனித்து தவித்திடும் நிலையை வைக்கலை

உணர்ந்தே திருவடி வந்தேன் சிலமுறை
உணர்வின்றி நின்றேன் நானும் பலமுறை
உள்ளதின் ஓட்டதை உணர்ந்திட்ட நீயும்
உணர்வையும் மீறி கலந்தாய் மீண்டும்

இதனினும் வேறு பேறும் வேண்டேன்
இந்த வரமொன்றே அனுதினம் கேட்டேன்
இதுபோல் வாழ்ந்து ஓட்டத்தை முடிப்பேன்
என்றும் உன்னுடன் வாழ்ந்தும் இருப்பேன்

மத்திகிரி, 8-1-18, இரவு 10.30

Bhakti Song 794

அளந்துவச்சான்

ஆட்டுக்கு வாலையும் அளந்துவச்சான்
அதுபோல் எந்நிலை புரியவச்சான்
இறுமாப்பான இதயம் வேண்டாம்
ஆணவம் கொண்ட பார்வைவேண்டாம்

தேவையற்ற செயல்களையும் என்
தலைமேல் இழுத்துப் போடாமல்
முடிஞ்சதை செய்ய தெரிஞ்சிக்கணும்
முடியா செயல்களை மறந்திடணும்

தனது எல்லையைத் தெரிஞ்சிக்கணும்
அதற்குள் ஆடப் பழகிக்கணும்
எல்லையைத் தாண்டிப் போகாதே
எடுத்தேன் கவிழ்த்தேன் என்காதே

வேண்டா செயல்களை செய்தாலே
வீணாய்ப் பாரமும் பெருகிவிடும்
இறுதியில் காரியம் கெட்டுவிடும்
எவருக்கும் பயனின்றி ஆகிவிடும்

உதவி என்று வரும்போது
உன்னால் முடிந்ததை செய்துவிட்டு
வீணாய் வாக்கும் கொடுக்காதே
வம்பில் போய்பின் மாட்டாதே

முடியா செயல்களில் தலையிட்டால்
முதலுக்கே மோசம் வந்துவிடும்
பிறருக்கும் தொல்லை ஆகிவிடும்
வீண்பேச்சாய் ஏச்சாய் மாறிவிடும்

மத்திகிரி, 5-1-18, மதியம், 2.10, சங். 131.1b

Bhakti Song 793

நன்றி சொன்னேன்

இந்த நாளிலும்
என்னோடு இருந்தாய்
என்னுடன் வாழ்ந்து
நன்மைகள் புரிந்தாய்
அதையெண்ணி நானும்
சன்னிதி வந்தேன்
இருகரம் கூப்பி
திருவடி பணிந்தேன்
உடலின் தேவைகள்
ஒவ்வொன்றாய்ப் பார்த்து
ஒருவித குறைவின்றி
நிறைவேற்றித் தந்தாய்
மனதின் தேவைகள்
எதுவெனப் பார்த்து
மனதார அவற்றை
அதிகமே தந்தாய்
வயதான காலம்
வந்ததினாலே
வசதிகள் பலவும்
செய்துமே தந்தாய்
வரம்பு மீறிநான்
ஏதும் செய்யாமல்
வயதுக்கு ஏற்றப
ஒய்வுமே தந்தாய்
காலத்தில் படுத்து
உறங்கி எழுந்து
கடமைகள் செய்ய
வலிமையையும் தந்தாய்
அதையெண்ணி மீண்டும்
திருவடி வந்தேன்
உறங்கும்முன் உனக்கு
நன்றியும் சொன்னேன்
மத்திகிரி, 4-1-2018, இரவு 11.50

Bhakti Song 792

பாரமில்லை

உனக்கென வாழ்வது
ஒருவிதம் பாரம்
உணர்ந்துதான் வந்தேன்
கிருபைத் தாரும்
தனக்கென வாழ்வதில்
எனக்கில்லை இலாபம்
உணர்ந்துமே கொண்டேன்
மாற்றமே தாரும்
இதயமும் விரும்புது
இதமான வாழ்வை
மனதோ நாடுது
பலவிதத் தேவை
தேகமும் தேடுது
தனெக்கென ஓய்வை
இவற்றோடு போராடி
அடைந்தேன் சோர்வை
இத்தோடு முடியலை
எனக்குள்ள போராட்டம்
உலகிலே உள்ளது
பலவித ஆட்டம்
ஊரோடு உலகோடு
உறவோடு வாழ்வதால்
ஒருபோதும் நிற்காது
நானோடும் ஓட்டம்
இதனிடை உனக்கென
வாழ்வதை அறியேன்
உனக்கென வாழ்வது
எதுவெனப் புரியேன்
அன்றாடம் நீதரும்
ஓட்டத்தை ஓடாமல்
ஐயனே உனக்கென
வாழ்வதை அறியேன்
இயல்பாக அன்றாட
பணிகளைச் செய்து
இடையிடை உன்னோடும்
உறவாடிக் கொண்டு
நீதரும் வாழ்வையும்
கொண்டாடிக் கொண்டு
வாழ்வதில் பாரம்
இல்லை உணர்ந்தேன்
மத்திகிரி, 4-1-2018, இரவு 11.00

Bhakti Song 791

தாளினைத் திறவாய்

தேடியே வந்தான்டி
தெருவிலே நின்றான்டி
வாசலில் வருவான்டி
வரவேற்கச் சொல்வான்டி
பெறஅவன் வரவில்லை
தரவேண்டி வந்தான்டி
பெற்றிட விரும்பினால்
தாளினைத் திறவேன்டி
உவப்புடன் வருவான்டி
உன்னுடன் இருப்பன்டி
உய்யும் வழிகாட்டி
உன்னையும் மீட்பான்டி
இவன்போல் ஒருவனை
இகத்தினில் கண்டாயோ
ஏனின்னும் தாமதம்
தாளினைத் திறவாயோ
தயங்கியே நிற்காதே
தாமதம் செய்யாதே
தாளினைத் திறந்தவன்
தாளினைப் பணிவாயே
உவப்புடன் ஏற்பான்டி
உன்வசப் படுவான்டி
உன்னுடன் வாழ்தவன்
கரையுமே சேரப்பான்டி
மத்திகிரி, 4-1-2018, 8.00