Monthly Archives: September 2016

Bhakti Song 538 – அவன் மேனி

காலும் கையுமாய் மாறாச் சொன்னான்

கடவுளை உலகுக்குக் காட்டச் சொன்னான்

உன்னையும் என்னையும் சேரச் சொன்னான்

ஒருமித்து அதனையும் செய்யச் சொன்னான்

 

Continue reading

Bhakti Song 536 – அன்பாலே மட்டும்

அறிவாலே உலகையும் ஆளவே முடியாது

அதிகாரம் காட்டியே வெல்லவே இயலாது

பிடிவாதம் செய்வதால் பயனேதும் கிடையாது

அன்பின்றி இவற்றுக்கு மாற்றமும் கிடையாது

 

உள்ளான அன்பிற்கு உருவேதும் கிடையாது

ஆயினும் உடலின்றி அதுகூட புரியாது

உலக்குக்கும் அதையுமே உணர்த்தவே எண்ணி

உன்மேனி மூலமே காட்டினாய் அன்று Continue reading

Tamil Song 242 – இத்தோடு நிறுத்தினேன்

எப்படிச் சொல்வது என்பதும் தெரியலை

எதற்காகச் சொல்கிறேன் என்பதும் புரியலை

என்மன ஓட்டத்தை எழுத்தினில் வடிக்க

எப்படி முயன்றாலும் என்னாலே முடியலை

 

தேவை இல்லாமல் தேடுறேன் எதையோ

அதுவும் தேவையா என்பதை அறியாமல்

இல்லாத தேவையை அறியாமல் தேடியே

Continue reading

Bhakti Song 534 – ஒருவிதப் பரவசம்

என்னவோ எனக்கொன்று

சொல்லிட வருகிறாய்

என்னவென்று எனக்கும்

புரியவே இல்லை

ஏனிதைச் செய்கிறாய்

என்பதும் கூட

இதுவரை எனக்கும்

விளங்கவே இல்லை

 

உணர்ச்சியின் விளைவென

ஒதுக்கவும் முடியலை

உள்ளத்தின் கிளர்ச்சியென

ஏற்கவும் இல்லை

ஆயினும் உள்ளத்துள்

ஒருவிதப் பரவசம்

அதைக்கூடப் புரிந்திட

எனக்கும் முடியலை

 

ரோமமும் சிலிர்க்குது

கண்களும் பனிக்குது

நாவுமே குழையுது

நாடியும் ஒடுங்குது

ஆடவும் தோனுது

அனைத்தினும் மேலாக

அமைதி ஆளுது

 

அதனைச் சொல்லவே

நாவும் தயங்குது

ஆயினும் உள்ளமோ

உந்தியே தள்ளுது

எனக்கு நடந்ததை

எப்படிச் சொல்ல

என்பது தெரியாமல்

வார்த்தையும் தயங்குது

 

ஆயினும் அதனையும்

சொல்லத்தான் வேண்டும்

அந்தப் பரவசம்

பிறர்கொள்ள வேண்டும்

நான்கண்ட ஆனந்தம்

பிறர்கொள்ள வேண்டும்

பேரின்ப வெள்ளத்தில்

அவர்மூழ்க வேண்டும்

 

மத்திகிரி, 26-9-16 (27-9-16) இரவு 12.30

Bhakti Song 533 – அடைக்கலம் வேண்டும்

அடைக்கலம் தேடி உன்னடி வரவேண்டும்

அங்குதான் நானொறு ஆறுதல் பெறவேண்டும்

கணக்கற்ற கலக்கங்கள் மனதிடை எழும்போது

காப்பாய் என்றுதான் உன்னடி வரவேண்டும்–அடைக்கலம்…

 

புரியாத குழப்பங்கள் புவிமீது பல உண்டு

புரிந்தாலும் விடையில்லா கேள்விகள் சிலவுண்டு

இவற்றாலே ஏமாந்த நேரங்கள் பல உண்டு

Continue reading

Bhakti Song 531 – பக்தியால் பணிவேன்

அருளே அமுதே ஆனந்தமே

அன்பின் வடிவாகி வந்தவனே

தருணம் ஈதே என்றேனே

தந்தருள் கிருபை என்பேனே

 

முதலே, முடிவே மூத்தவனே

முக்கிக்கு வழியாகி வந்தவனே

மும்மலம் தன்னை அறுப்போனே

முழுமுதற் பொருளாய் இருப்போனே Continue reading

Bhakti Song 530 – இணைந்து வாழும் மேன்மை

உனது உடலின் அங்கமானால்

உண்மையான உயர்வு பெறலாம்

உனது என்று ஆனபின்னே

உன்னதம் பெறலாம் உன்னில்தானே

 

தனித்து பெற்ற தகுதியெல்லாம்

தனக்குக் கூட உதவிடாது

தான் என்ற எண்ணம் கொண்டால்

உன்னில் எனக்குப் பங்கும் ஏது

Continue reading