Monthly Archives: June 2017

Scripture and Bhakti

Without a foundational scripture, most Hindus don’t have the habit of reading any particular (sectarian) scripture as part of their (everyday) sadhana. Of course many will recite songs (bhajans) from their particular sectarian scriptures or common devotional books as a part of their ritual as well as sadhana.

But reading Muktiveda as part of everyday sadhana is often insisted, mostly by evangelical Christians.

About this H. L. Richard says: “The Bible itself contains no exhortations to regular reading of the sacred text, simply because that was not even an option for a few millennia before the invention of movable type and the printing press. Thus, the current Evangelical focus on personal Bible reading is not something that the Bible makes any reference to. (This is not to imply that it is a bad idea…)” [Scripture in Hindu Contexts]

Since I came from a tradition where reading scripture was not a part of everyday sadhana, reading Muktiveda to know the will and leading of God in everyday life looked bit strange in the early days of my bhakti. But my sojourn among the evangelicals helped me to adopt this good idea and even now I continue to do it.  Continue reading

Tamil Song 361

மாறுதல் இன்றி வாழவில்லை

ஆறுதல் அன்றி தேறுதல் இல்லை
அன்பன்றி உலகில் வாழ்வுமே இல்லை
மாறுதல் இன்றி மனதுமே இல்லை
மன்னித்தல் அன்றி மாற்றுமே இல்லை

குற்றங்கள் குறைகள் அற்றவராக
வாழ்ந்த மனிதர் எவருமே இல்லை
குற்றங்கள் குறைகளை கண்டுகொள்ளாமல்
வாழ்ந்த மனிதர் எங்குமே இல்லை

மனித வாழ்வில் அங்கமய்ப் போன
இந்த உண்மையில் மாற்றமே இல்லை
ஆயினும் அதற்கு மாற்றம் ஒன்று
இல்லாமல் மனித வாழ்வுமே இல்லை

குற்றங்கள் குறைகளை எண்ணிடும் போது
குணத்தையும் காண மறக்கலாகாது
நன்மைகள் சிலவற்றை காண்கின்றவரையில்
குறைகளை மட்டுமே சொல்லக் கூடாது

அங்குதான் மாறுதல் தோன்றிட வேண்டும்
அதற்கு மனதிலே மாற்றமும் வேண்டும்
மன்னிக்கின்ற தன்மை ஒன்றே
மாற்றத்தைச் செய்யும் மந்திரமாகும்

மன்னிக்கத் தொடங்க முயலும் போது
அன்புமே தன்போல் முன்வந்து நிற்கும்
அன்புடன் மன்னிப்பு இணைந்திடும் போது
ஆறுதல் தன்போல் வந்துமே கூடும்.

மத்திகிரி, 26-8-2017, இரவு 11.10

Tamil Song 360

உணர்ச்சி

உணர்ச்சி ததும்பும் வேளையிலே
உளறுதல் எவர்க்கும் இயற்கைதான்
உணர்ச்சியும் அடங்கிய பின்னாலே
ஒழுங்காய் சிந்திப்பான் மனிதன்தான்

உணர்ச்சி இன்றி வாழவில்லை
உணர்ச்சி மட்டுமே வாழ்வும் இல்லை
ஆத்திரம் அவசரம் எனும்போது
உணர்ச்சியால் மட்டும் பயனில்லை

உணவில் இருக்கிற உப்பாக
உணர்ச்சியும் வாழ்வில் இருந்திடனும்
உப்பே உணவாய் மாறிடாது
உப்பற்ற உணவும் பயன்படாது

அன்பு பாசம் நேசமுடன்
ஆத்திரம் சோகம் எரிச்காலுமே
மாறி மாறி வருவதுமே
மனித வாழ்வில் இயற்கைதான்

உணர்வற்ற சவமாய் வாழுவது
உலகில் மனிதர்க்கு இயலாது
உணர்ச்சியும் எல்லை மீறும்போது
சவமாய் உடலும் மாறிடுது

உணர்ச்சியின் வலிமையை புரிஞ்சிக்கணும்
அதனின் தேவையை தெரிஞ்சிக்கணும்
வலிமைக்கும் தேவைக்கும் இடையினிலே
சமநிலை காணப் பழகிக்கணும்

மத்திகிரி, 26-8-2017 இரவு 10.45

Tamil Song 359

பழகிடும் துயரம்’

எப்படி சுமப்பார்
இத்தனை பாரம்
எதுவரை சுமப்பார்
மனதுமே ஓயும்

அடுக்கடுக்காக
சோதனை வந்தால்
சுமப்பது என்பது
எவருக்கும் கடினம்

பட்ட காலிலே’
படுமென்ற பழமொழி
பலரது வாழ்வில்
உண்மையாய்ப் போகும்

பலமுனைத் துயரம்
தாக்கி அடிக்க
அவர்படும் துன்பம்
மிகமிகக் கடினம்

ஆறுதல் கூற
வார்த்தையும் இல்லை
அவற்றாலே எவ்விதப்
பயனுமே இல்லை

துயரம் ஒருவிதம்
பழகிய பின்பு
ஆறுதல் தேறுதல்
அவசியம் இல்லை

எப்படியோ அவர்
மீண்டு எழுவார்
இதயத்தைக் கல்லாக்கி
வாழ்ந்து முடிப்பார்

துயரமே வாழ்வெனப்
பழகிய பின்பு
துயரம் பற்றிய
எண்ணம் மறப்பார்

மத்திகிரி, 25-8-2017, இரவு 10.30

Tamil Song 358

தேவையற்ற கேள்விகள்

கேள்வியும் பதிலும்
தேவையே இல்லை
கேள்விகள் கேட்பதால்
பயனேதும் இல்லை

அறிந்த விடையை
மீண்டும் அறியவே
கேள்வியாய் மாற்றி
கேட்பதே வழக்கம்

புதிய பதிலேதும்
புவியில் உண்டோ
புரியாது நடித்தால்
பதிலேதும் உண்டோ

ஆயினும் கேள்விகள்
குறையவும் இல்லை
விடையும் அவைக்கு
கிடைக்கவும் இல்லை

இல்லாத விடைகள்
கிடைக்காத வரையில்
கேள்விகள் கேட்பது
நிற்பதும் இல்லை

மத்திகிரி, 23-08-2017, 5.50 am.

Tamil Song 357

மல்லு கட்டாதே

ஒட்டாத உறவுடன்
கட்டாதே மல்லு
ஒட்டவே மறுத்தால்
மறுத்துநீ தள்ளு

கிட்டே உள்ளோரை
வெட்டி விடாதே
சேர மறுப்போரை
துரத்திச் செல்லாதே

உள்ளாக ஆர்வம்
இல்லாது போனால்
உறவும் நிலைக்காது
அறிந்திடு முன்னாள்

இருபுறம் தேவையும்
இல்லாத போனால்
பயனும் இருக்காது
ஒருபுறம் முயன்றால்

உறவின் உயர்வை
உணராத போது
சொன்னாலும் அவர்க்கு
மண்டையில் ஏறாது

நாமாகத் தேடி
போகின்ற போது
நாம்கொண்ட அன்பு
இருக்காது அவர்க்கு

வரும்போது வரவேற்று
அன்புமே காட்டு
வந்தபின் முரண்டால்
பொறுமையைக் காட்டு

இருக்கின்ற வரையில்
உறவைக் கொண்டாடு
இதைஏற்க மறுத்தால்
பிறகுநீ திண்டாடு

மத்திகிரி, 19-08-2017, இரவு 10.30

Tamil Song 356

சுகமான சோகம்

நாம்படும் வேதனை
பிறருக்குத் தெரியாது
நாமதைச் சொன்னாலும்
அவருக்கும் புரியாது
எவர்மீதும் குறைசொல்லி
பயனேதும் கிடையாது
எல்லோர்கும் பொதுவான
விதியாகிப் போனதிது

உடலாலும் மனதாலும்
பலர்படும் வேதனை
உணர்த்திட வழியின்றி
கடத்துறார் வாழ்வினை
பிறர்வந்து உதவிகள்
செய்தாலும் கூட
முற்றாக நீங்காமல்
இருப்பதே வேதனை

சோகம் ஒருவிதம்
வாழ்விலே நிரந்தரம்
சோகத்தை சுகமாக
மாற்றிட முயலணும்
சோகத்தை சுகமாக
மாற்றிய பின்னே
சோகமே சுகமாகி
மாறியும் போகும்

சோகத்தில் கூட
சுகமொன்று இருக்கு
அதனைச் சொல்லிட
வார்த்தைகள் எதற்கு
அந்த சுகத்தை
மனதார சுவைக்க
அதன்பின் மறையும்
சோகமும் விலக

மத்திகிரி, 17-8-2017 ரவு 10.30

Tamil Song 355

ஓ என்மனமே

காலம் நேரமென
ஏதும் கிடையாது
நாம்படும் கஷ்டம்
அதற்கும் புரியாது
எதையேனும் நினைத்து
புலம்பிடும் மனது
அதற்கு மட்டுமோ
ஓய்வும் கிடையாது

தூங்கும் போதுகூட
தட்டியே எழுப்பும்
திரும்பத் திரும்ப
எதையேனும் சொல்லும்
மாட்டேன் என்றுமே
முரண்டு பிடித்தாலும்
எள்ளி நகையாடி
எழுதவும் சொல்லும்

வாழ்வும் விடாது
வதைத்திடும் நாளும்
வருத்தமே பட்டாலும்
எதிர்த்துமே பேசும்
தன்மன பாரத்தை
சொல்லியே புலம்பி
நம்மன பாரமாய்
மாற்றியே காட்டும்

ஒதுங்கி இருந்திட
வழியுமே கிடையாது
ஒடி ஒளிந்திட
இடமுமே கிடையாது
எங்கே போனாலும்
தன்நிழல் தன்னோடு
என்கிற உண்மையில்
மாற்றமும் கிடையாது

இதுபோன்ற தொல்லை
எவருக்கும் வேண்டாம்
என்போல எவருமே
புலம்பிட வேண்டாம்
கொடுத்து வைத்த
புண்ணிய வானே
கொடுமை இதுபோல
உனக்குமே வேண்டாம்

நான்செய்த தவறென்ன
அதைமட்டும் சொல்லு
தப்பிக்கும் வழியென்ன
அதைமட்டும் காட்டு
அதைவிட்டு வீணான
உபதேசம் கூறி
வீணானாக கோபத்தை
கிளறாதே கேளு

இப்போது இதுபோதும்
கண்களை மூடு
எத்தனை எழுதினால்
பயனென்ன சொல்லு
படிக்கவே ஆளில்லை
என்கிற போது
புலம்ப்பதே வீணாக
கண்மூடித் தூங்கு

மத்திகிரி, 17-8-2017௭, காலை 3.15

Tamil Song 354

ஒரு வருத்தம்

இதைவிட சோகம்
வேறெங்கு இருக்கு
இவர்போல் வருத்தம்
எவருக்கு இருக்கு
உறவை நாடி
வருகின்ற போது
ஒதுங்கிக் கொள்கிறார்
வருத்தமாய் இருக்கு

எவர்தான் தவறு
செய்யாமல் இல்லை
எவரிடம் குறைகள்
இல்லாமல் இல்லை
குற்றம் காணும்
குணமுமே இருந்தால்
தன்போல் உத்தமர்
எவருமே இல்லை

எடுது எரிந்து
பேசுவார் பிறரை
எடுத்து அழகாய்
காட்டுவார் தவறை
சரியில்லை இதுவும்
என்றுமே சொன்னால்
சட்டெனக் கோபம்
கொள்வார் மனதில்

பொறுமை என்பது
தூரமாய்ப் போச்சு
பொறுக்கின்ற தன்மை
இல்லாமல் போச்சு
எதற்கெடுதாலும்
எகத்தாளப் பேச்சு
திருந்தாத இவர்நிலை
பரிதாப மாச்சு

இதுகூட ஒருவிதம்
தவாறாகிப் போச்சு
இதுபோல் எழுதுதல்
குற்றமே ஆச்சு
பிறர்செய்யும் தவறை
நானுமே செய்தேன்
இதுகூட எனக்கு
வழக்கமாய்ப் போச்சு

ஆனால் இதுஎன்
தவறில்லை என்பேன்
அடக்கி வைத்திட
இயலாமல் சொன்னேன்
இந்த எந்தவறை
மன்னிக்க வேண்டி
இருகரம் கூப்பி
பணிந்துமே நின்றேன்

மத்திகிரி, 17-8-2017, காலை 3.00

Bhakti Song 98 – Need your company

வாழ வேண்டும்

இந்நாளிலும் நீதந்த வாழ்வினை

வாழ்ந்திட வேண்டும் உன்துணை

அந்தந்த நாளில் வந்து சேர்ந்திடும்

காரியங்களை எண்ணிடும் போதிலே!

சொந்த பெலத்தில் செய்து முடிக்கத்

துணிவுகொள்ளாது உன்னருள் நாடி

வந்து நிற்கும் அடியேனுக்கிரங்கி

வரவேண்டும் நீயும் வழிவேறு இல்லை! Continue reading