Bhakti Song 186b

நீ மறவாதே

நெஞ்சமே மறவாதே
நிதம்அவன் தாள்பணிய–நெஞ்

கொஞ்சமோ உலகில் பாடு
அதைக் கூறிட முடியுமோ கூறு
அஞ்சிட்ட நாளை எண்ணி
ஆறுதல் தேடிச் செல்ல–நெஞ்

தஞ்சம்வே றெங்கு உண்டு
தருவது வேறெவர் உண்டு
அதைத் தேடிய நாளை எண்ணித்
தேறுதல் மீண்டும் பெற –நெஞ்

வஞ்சகமே உலகில் வாழ்வு-
அதை வென்றவர் யார்உண்டு கூறு-
அதில்வீழ்ந்த நாளை எண்ணி
விடுதலை மீண்டும் பெற -நெஞ்

அஞ்சிடாதே அவனே காப்பான்
ஆதரித்து மீண்டும் சேர்ப்பான்-
அதை அறியாத நாளை எண்ணி
அடைக்கலம் மீண்டும் பெற –நெஞ்

23-08-2013, காலை 8.45