Bhakti Song 187

நீவேறு நான்வேறோ?

எல்லாம் நீ ஆனபின்பு
எனதென்று ஏதுமுண்டோ
ஏதுகொண்டு நான்வருவேன்
என்னை நான் தருவதன்றி

நான் எனக்குச் சொந்தமல்ல
நீ வந்து மீட்டபின்பு
ஏது உனக்கு நான் தருவேன்
ஏழை என்னில் ஒன்றுமில்லை

நான் உனக்குச் சொந்தமானேன்
நீவந்து ஆண்டபின்னே
ஆதலால் எல்லாம் பெற்றேன்
உன்னில் நான் நிறைவுற்றேன்

நீயும் நானும் ஒன்றானபின்
நீவேறு நான்வேறாமோ
இனி இந்தப் பேதமையும்
என்னில் இன்று நீங்கியதே

ஆதலால் நாம் இருவரும்
வாழ்ந்திடுவோம் ஒன்றாய்க்கூடி
ஊழி ஊழி காலமெல்லாம்
ஒருபோதும் பிரிவின்றி.

25-08-2013, காலை, 8.45