Bhakti Song 192

நல்லவழி அடைந்தேன்

உன்னில் மகிழ வேண்டும்–உத்தமனே
உன்னோ டிருக்க வேண்டும்
என்னை மறக்க வேண்டும்–எனக்கு
வேறென்ன இனி வேண்டும்?

உன்னை அளித்த பின்னே–இனி
நீ வேறு நான் வேறோ?
என்னைக் கொடுத்த பின்னே–இங்கு
பிரிவேதும் நம்மிடை உண்டோ?

எல்லாமே இங்கு பெற்றாலும்-உன்னை
நான் இழந்து விட்டால்
எவ்விதம் உய்வடைவேன்–இனி
எப்படி மீண்டிடுவேன்?

நீ மட்டும் போதுமெனக்கு–உலகில்
நீதானே சொந்த மெனக்கு
நான்மட்டும் அறிந்தேனே-இந்த
நல்லவழி அடைந்தேனே.

13-09-13, காலை, 8.45