Bhakti Song 400 – எதைக் கூற?

கொஞ்சமோ எதைக் கூற

எந்த குறையைச் சொல்லி வாட

அஞ்சி அஞ்சி வந்து அபயமென்றிட

ஆறுதலாய் ஒரு வார்த்தையும் பெற–கொஞ்சமோ

 

கஞ்சத்தனமின்றி நன்மைகள் செய்தாய்

கலங்கும் நேரத்தில் ஆறுதல் சொன்னாய்

மிஞ்சிய அன்பால் என்னையும் வென்றாய்

மீட்டு அருளிட உன்னையும் தந்தாய்–கொஞ்சமோ

 

தந்த வாக்கினில் மாற்றமும் இல்லை

தாழ்மைக்கு உன்னிடம் பஞ்சமும் இல்லை

அன்பைப் பொழிவதில் வஞ்சமும் இல்லை

அதனை மறுக்க இடமும் இல்லை–கொஞ்சமோ

 

காணாமல் போனாலும் மீட்டிட வந்தாய்

கதறும் குரல்கேட்டு ஓடியே வந்தாய்

பாவி என்று புறம் தள்ளிவைக்காமல்

பரிவுகொண்டு மன்னிப்பும் தந்தாய்–கொஞ்சமோ

 

இத்தனை பெற்றும் ஏனோ வெறுத்தேன்

எத்தனை கூறினும் ஏற்க மறுத்தேன்

எனெண்ணம் போலவே வாழ நினைத்தேன்

ஏனோ உண்மையை காண மறுத்தேன்

 

ஆயினும் அதிக பரிவும் கொண்டு

அமைதி காத்து பொறுமை கொண்டு

திருந்தி மீண்டும் வந்திடும் போது

தட்டிக் கழிக்காமல் சேர்த்து அணைத்தாய்–கொஞ்சமோ

 

27-3-16, மத்திகிரி, மதியம் 2.00