Bhakti Song 601

நீதந்த வாழ்வு

உன்னால் பெற்ற வாழ்க்கையிது
உன்னைப் போற்றும் நேரமிது
என்னை அறியும் காலமிது
உணர்ந்தே வந்தேன் இப்போது
காலை மாலை என்றில்லை
காத்துக் கிடக்கத் தேவையில்லை
சன்னதி என்றும் திறந்திருக்க
தாமதம் செய்யத் தேவையில்லை
குளித்து முடித்து உடுத்திக்கொண்டு
ஆயத்தம் பலவும் செய்துகொண்டு
படையல் ஏதும் எடுத்துக்கொண்டு
உன்னிடம் வரத் தேவையில்லை
நின்று, நடந்து, கிடந்தாலும்
வேலைகள் பலவும் செய்தாலும்
இடையிடை நான் உன்னை
நினைக்க நொடிகள் சிலபோதும்
இந்த பேறு நான் பெற்றேன்
இதனை எண்ணி வாழ்ந்திடுவேன்
உன்னிடம் பெற்ற அருளினையே
உணர்ந்து உன்னைப் பணிந்திடுவேன்
மத்திகிரி, 4-1-2017, காலை 5.30