Bhakti Song 608

இலக்கைத் தெரிந்து கொண்டேன்

நான் என்ன செய்யட்டும் சொல்லிவிடு
நாளும் பொழுதும் நடத்திவிடு
உன்பேச்சை மீறியே நானறியேன்
உன்னடிமை இதைச் சொல்லிவைத்தேன்
ஒவ்வொரு நாளின் ஓட்டத்திலே
உன்னுடன் நானும் ஓடயிலே
ஒருபோதும் என்னை விட்டுவிட்டு
ஒருநாளும் நீயுமே ஓடவில்லை
தோளோடு தோள்சேர ஓடுகிறாய்
தேவைப்படும்போது தூக்கிக் கொண்டாய்
இளைப்பாறி நானுமே இரங்கி வர
இணைத்துக் கொண்டுமே ஓடுகிறாய்
என்னைப் பற்றியே எண்ணி நின்றால்
எச்சரித்து என்னை ஓட்டுகின்றாய்
பிறரின் செயலை நானும் சொன்னால்
பேசாமல் வாயைத்தான் மூடச்சொன்னாய்
எனக்கு நீவைத்த இலக்கை நோக்கி
இறுதி மட்டுமே ஓடச்சொன்னாய்
இடையில் வருவோர் போவோரெல்லாம்
என்பாரம் அல்ல என்று சொன்னாய்
இதையும் இப்போது புரிந்து கொண்டேன்
இலக்கை மட்டுமே தெரிந்து கொண்டேன்
முழு மனதுடனே ஓடிடுவேன்
முழுதாய் என்பங்கை முடித்திடுவேன்
மத்திகிரி, 20-1-17, இரவு 11.30