Bhakti Song 609

முறையிடும் உரிமை

சித்தமும் கலங்கிப் பித்தன்நான் தவிக்க
சித்தமும் கொள்ளாயோ தயவுமே வைக்க
சத்தமிட்டேநான் ஓலமும் இட்டாலும்
சற்றேனும் கொள்ளாயோ இரக்கமும் வைக்க
நித்தமும் பூமியில் எத்தனை தவிப்பு
நிலையற்ற வாழ்விலே நித்தமும் கசப்பு
எத்தனை இன்பத்தை எவ்விதம் தேடினும்
எல்லாமே மாயைதான் என்பதால் வெறுப்பு
உடலோடு மனதின் தேவைக்காய்ப் போராட்டாம்
ஊரோடும் உறவோடும் ஆடுறேன் சதிராட்டம்
இத்துடன் உன்சித்தம் தன்னையே எண்ணிட
என்னதான் செய்திட பதில்நீயும் சொல்லணும்
வேண்டாம் என்றெண்ணி விட்டோட முடியலை
வேண்டாத பாரத்தைச் சுமக்கவும் முடியலை
தானாக வந்ததே சுமையாகிப் போனபின்
நீதந்த பாரத்தை நானென்ன செய்வது
சுமக்கத் தந்ததைச் சுமந்துதான் ஆகணும்
மேலும்நீ வைத்தாலும் ஏற்கத்தான் வேண்டும்
வேண்டாம் என்றாலும் விடப்போவதில்லை நீ
விரும்பியே கேட்டாலும் தரப்போவதில்லை நீ
என்னாலே ஆவது முறையீடு செய்வது
அதன்பின்னே மெளனமாய் உன்சித்தம் ஏற்பது
இந்த உரிமைதான் எனக்குமே உள்ளது
இதைநீ உணர்ந்து கொள்வதே நல்லது
மத்திகிரி, 21-1-17, மதியம் 2.50