Bhakti Song 610

அவன்கைக் கருவி

நேரம் காலம் நமக்குத் தந்தான்
நிதியும் நலமும் சேர்த்துத் தந்தான்
நாலு பேர்க்கு நன்மை செய்ய
நம்மை மீட்டு வாழ்வும் தந்தான்
பெரியதாகச் செய்ய வேண்டாம்
பெயரும் புகழும் எடுக்க வேண்டாம்
பிறரும் கூட அறிய வேண்டாம்
முடிந்த சேவை செய்தால் போதும்
பிறரின் தேவை அவனே அறிவான்
பேணிக் காக்க அவனே வருவான்
உவந்து நாமும் இணைந்து கொள்ள
நமது பங்கை ஏற்றுக் கொள்வான்
வீண் வாதம் ஏதும் இன்றி
விருப்பு வெறுப்பு இரண்டும் இன்றிக்
கிடைக்கும் வாய்ப்பை எற்றுக் கொள்ள
இன்னும் அதிகம் அவனே கொடுப்பான்
பிறரின் தேவை மனதில் எண்ண
பெரியதாகும் நமது உலகும்
சுயநலத்தைக் குறைத்துக் கொள்ளப்
பிறரின் தேவை கண்ணில் தெரியும்
உள்நோக்கம் ஏதும் இன்றி
உதவும் போதும் அகந்தை இன்றி
இறைவன் கையின் கருவியாகி
இந்த உண்மை புரிந்து வாழ்வோம்
மத்திகிரி, 23-1-17, மதியம் 2.10