Bhakti Song 614

கவலையில்லை

என்னோடே வீணே வழக்காடி
என்னென்ன ஆதாயம் நீயடைந்தாய்
என்மீது குற்றங்கள் சுமத்தியதால்
எவ்விதம் நீயும் பயனடைந்தாய்
ஒருபோதும் ஓய்வாக இருந்ததில்லை
உள்ளான அமைதியைக் கண்டதில்லை
பட்ட பாட்டிற்குக் கணக்குமில்லை
பாரம் சுமக்காமல் வாழ்ந்ததில்லை
தப்பிக்க எத்தனை எத்தனித்தும்
ஒருமுறைகூட நான் வென்றதில்லை
பெற்ற சிற்சில வெற்றிகளும்
நிரந்தரமாய் இங்கு இருந்ததில்லை
வழக்கு என்றுமே வந்தபின்னே
வாய்மூடி இருந்து பயனுமில்லை
என்பக்க நியாயத்தை எடுத்துரைக்க
என்னைவிட்டால் இங்கு யாருமில்லை
ஆயினும் உன்னிடம் வாதாடி
எவ்விதப் பயனும் கண்டதில்லை
முன்னமேநீ தீர்மானம் செய்தபின்னே
எதிர்வாதம் செய்வதில் பயனுமில்லை
தீர்ப்பு எதுவான போதினிலும்
திண்டாடப் போவதோ நானுமில்லை
ஏனென்று உனக்கு அதுதெரியும்
அதனாலே கவலையும் எனக்குமில்லை
மத்திகிரி, 30-1-17, இரவு 11.30