Song 555

விடுவாயா

ஆயிரம் முறைகள் கூறிவிட்டேன்
அத்துடன் இம்முறை சொல்லிவிட்டேன்
வேண்டாக் கேள்விகள் கேட்காதே
வேதனைத் தீயினில் தள்ளாதே

உன்னைக் கேட்க ஆட்களுண்டோ
என்போல் கவலைகள் உனக்குண்டோ
இதனை முதலில் புரிந்துகொண்டு
அதன்பின் கேள்விகள் கேட்டுவிடு

அதிகாரம் அனைத்தையும் வைத்துக்கொண்டு
அத்துடன் ஆளுகை செய்துகொண்டு
உன்விருப்பம் போல் நடத்திக்கொண்டு
இருப்பதால் உனக்கிது புரியாது

அதிலே கொஞ்சம் தரவேண்டாம்
ஆட்சியில் பங்கும் இனிவேண்டாம்
உன்விருப்பம்போல் நடத்திக்கொள்ளு
அத்துடன் சொல்வதைக் கேட்டுக்கொள்ளு

செய்யும் முன்னே சொல்லிவிட்டுச்
செய்தால் என்ன குறைந்திடுவாய்
செய்ய்யும் முன்னே என்னிடமும்
கலந்தால் எதிலே தவறிடுவாய்

அடவேண்டாம் என்று சொல்வேனா
விட்டால் ஓடிப்போவேனா
இதுவரை அப்படிச் செய்தேனா
இனிச் செய்தாலும் நீதான் விடுவாயா

மத்திகிரி, 23-10-2016, இரவு 11-05