Song 565

ஆடிய ஆட்டம் என்ன

போட்டது கொஞ்சமா ஆட்டமும் நான்
பொழுதெல்லாம் ஆடினேன் தாண்டவம் தான்
இச்சை-கோபத்தை ஆடையாக்கி
மோகத்தை அணியாகக் கழுத்தில் பூட்டி
காம-லோப சதங்கை கட்டி
அவை தந்த இசைக்கேற்ப ஆட்டமாடி
மருங்கிலே மாயை சேர்த்துக்கட்டி
பேராசை மைகொண்டு புருவம் தீட்டி
உள்ளுக்குள் ஆயிரம் ஆசை கட்டி
குழப்பத்தை அத்துடன் சேர்த்துக் கூட்டி
மனதில் பலவித ஜதிகள் செய்து
மேனியைப் பலவிதம் நான்வளைத்து
பலவித நடனங்கள் ஆடிவிட்டேன்
பாவத்தை இவ்விதம் சேர்த்துவிட்டேன்
மூடன்நான் வேறெது செய்துவிட்டேன்
மேனியும் தளர்ந்ததால் நிறுத்திவிட்டேன்
அதன்பின்னே உன்னிடம் வந்து விட்டேன்
அருள்தந்து மீட்டிடக் கதறிவிட்டேன்.

மத்திகிரி, 30-10-16, மதியம் 2.10