Song 570

என்ன புண்ணியம் செய்தேன்

வந்தேன் வள்ளலே வரம் வேண்டி
வந்தேன் மீண்டும் கரம் ஏந்தி
உன்னடி அன்றித் தஞ்சமில்லை
அருளுக்கு உன்னிடம் பஞ்சமில்லை

துதித்து உன்னைப் பாடிடுவேன்
தூயவன் உன்னையே போற்றிடுவேன்
தருணம் இதுவெனக் கூறிடுவேன்
தஞ்சம் அருளிடக் கெஞ்சிடுவேன்

தனித்து உன்னிடம் வந்துவிட்டேன்
தாளினை நானும் பற்றிவிட்டேன்
அதனடி அமர்ந்து இருக்கையிலே
ஆறுதல் நானும் அடைந்துவிட்டேன்

உனக்கும் எனக்கும் இடையினிலே
உள்ள இந்த உறவினிலே
இருக்கும் நெருக்கம் எவரறிவார்
என்போல் புண்ணியம் யார்பெறுவார்

உனக்கென என்னைத் தெரிந்துகொண்டு
உலகம் புரியாக் கருணைகொண்டு
உரிமை என்மேல் நீயும் கொண்டு
உறவாடி அனுதினம் களிக்கின்றாய்

இந்தப் பேறு நான் பெறவே
என்னை புண்ணியம் செய்துவிட்டேன்
என்னை நீயே அழைத்தபோது
எவ்வித மறுப்பின்றித் தந்துவிட்டேன்

அதனால் என்னை ஆட்கொண்டாய்
அடியவன் என்ற உயர்வு தந்தாய்
அந்தப் பேற்றினைச் சிரம் ஏந்தி
அடிமை செய்திட நான்வந்தேன்

மத்திகிரி, 10-11-16 மதியம் 1.50