Song 574

ஓயமாட்டேன்

என்னிலும் நீசன் எவனிருப்பான்
ஏனிதை உனக்கு நான் சொன்னேன்
“பாவியைத் தேடியே மீட்பவன்நீ
பெலனற்ற பேருக்குக் காவலும்நீ”
என்று எல்லோரும் உனைச்சொன்னார்
ஈரேழு உலகில் உன்போல் இலையென்றார்
என்னைப் போல் வீழ்ந்தவர் எவருமில்லை
ஆயினும் ஏனென்னை மீட்கவில்லை
முடவனைக் கண்ணோக்கிப் பார்க்கவில்லை
உனக்கு மறைவாக ஒன்றுமில்லை
வாயாலும், மனதாலும் வீழ்ந்தேன் நானே
வள்ளலே காப்பதில் தாமதம் ஏன்
ஒருமுறை கூப்பிட்டால் ஓடிவந்தாய்
ஓடியே வந்துதான் மீட்டுக்கொண்டாய்
பலமுறை கதறினேன் கேட்கவில்லை
பாவிக்கு உன்னிடம் இரக்கம் இல்லை
ஆயினும் உன்னைநான் விடவும் இல்லை
அருளினைப் பெறும்வரை ஓய்வதில்லை

மத்திகிரி, 15-11-16, மதியம் 2.20, Sur 408, p. 707-09