Song 584

அவனை வாழ்த்து

இனிய காலையில் இறைவனைத் தேடு
இதயம் நிறைய மகிழ்ந்து பாடு
உலகோர் உய்ய உருகி வேண்டு
உன்னையும் மீட்டான் நினைந்து கொண்டாடு

நேற்று வரையில் கூட இருந்தான்
நாளை பொழுதும் துணையாய் இருப்பான்
இன்றும் கூட இணைந்து நடப்பான்
இதனை எண்ணி அவனைப் பாடு

உனது தேவை அவனே அறிவான்
உனக்குத் தந்து உவந்து புரப்பான்
அதற்கு மேலும் நீயும் நாட
அதையும் தந்து உன்னில் மகிழ்வான்

இந்தப் பேறு நீயும் பெற்றாய்
இதனை எண்ணிப் பணிந்து நடப்பாய்
படைத்துக் காத்து அழிக்கும் அவனே
பக்தனுக்காக எளியவன் ஆனான்

இதனை உணர இதயம் இளகும்
இருவிழியும் அருவி ஆகும்
நாடி நரம்பு ஒடுங்கி அடங்கும்
நாவும் கூடப் பேச மறுக்கும்

மெளனமாக மனதில் துதித்து
மேன்மை எண்ணிக் கரத்தைக் குவித்துச்
சிரசை அவனின் தாளில் வைத்துச்
சிந்தை நிறைய அவனை வாழ்த்து

மத்திகிரி, 2-12-16, காலை, 5.45