Song 585

அணுவணுவாக ரசிப்பேன்

இப்படி எனக்கொரு வாழ்வைத் தந்தாய்
என்னுடன் நீயே வாழ்ந்தும் இருக்காய்
எனக்கென தனித்தொரு சித்தம் வைத்தாய்
இதனை உணரப் புத்தியும் தந்தாய்

என்ன மேன்மை எண்ணில் கண்டாய்
என்னை அறிந்தும் எப்படி மீட்டாய்
அத்துடன் பலப்பல வரங்கள் தந்து
அவற்றின் மூலம் என்னை ஆண்டாய்

பிறரைப் போல வாழ விடாமல்
உன்பின் என்னை ஏகிட வைத்தாய்
பிறர்க்குத் தந்த பலவற்றை மறுத்து
தனித்து எனக்கெனப் பாதை வகுத்தாய்

தயங்கி நானும் நின்ற போதும்
தைரியம் தந்து துணையாய் வந்தாய்
இடையிடை பலமுறை இடறிய போதும்
எத்தனையோ முறை தூக்கியே காத்தாய்

என்னவோ இதுவரை ஓடிவிட்டேன்
மீதியை ஓடி நிச்சயம் முடிப்பேன்
எத்தனை எதிர்ப்பு இதனிடை வந்தும்
எப்படியேனும் ஓடியே பார்ப்பேன்

அதுவரை இந்த வாழ்வைக் கூட
அணுவணுவாக இரசித்தே வாழ்வேன்
இதுவும்கூட நீயே அளித்தது
என்பதை எண்ணி உன்னுடன் வாழ்வேன்

மத்திகிரி, 2-16, காலை 6.30