Song 586

இதுதான் துதி

இதுதான் எனது துதியாகும்
இதுவே எனது ஜெபமாகும்
உன்னை நினைகும் சிலநொடிகள்
ஒன்றே எனது வழியாகும்

பொல பொலவெனப் பலவார்த்தை
சொல்லித் துதிக்கத் தெரியாது
பொறுமையாக அமர்ந்திருந்து
ஜெபமும் செய்ய இயலாது

எனது வேலைகள் செய்துகொண்டு
இடையே உன்னுடன் பேசிக்கொண்டு
நீயும் என்னுடன் சேர்ந்துகொள்ள
நேரம் போவது தெரியாது

உன்னை நினக்கும் போதினிலே
ஒருவித உவகை தலைக்கேற
உடனே தோன்றும் எண்ணங்களை
உன்னிடம் சொல்வேன் துதியாக

ஆழ்ந்து சிந்திக்கும் நேரத்திலே
அமைதியாக நீ சொல்லும்
சத்தியமான வார்த்தைகளை
அறிவேன் உனது சித்தமாக

இப்படியாகத் துதிக்கையிலே
எனக்குத் தோன்றும் மகிழ்ச்சியிலே
ஏதும் சொல்லத் தோன்றாமல்
இருப்பேன் உனது அடிகளிலே

மத்திகிரி, 3-12-16, 2.50 pm