Song 594

உன்னிடம் என்ன பேச்சு

என்னதான் செய்ய எண்ணம்நீ கொண்டாய்
ஏதுநான் செய்ய சித்தம்நீ கொண்டாய்
முன்பாக ஒன்றையும் சொல்லவும் மாட்டாய்
மீறிநான் கேட்க கோபமும் கொண்டாய்

என்னவோ செய்துகொள் உன்சித்தம் ஆச்சு
தெய்வம்நீ உன்னிடம் இனியென்ன பேச்சு
வாதிட்டுப் பார்த்தேன் பயனென்ன வாச்சு
நீசொன்னதே தீர்ப்பு என்று முடிவாச்சு

ஏன்பிறந்தேன் நான் மனிதனாய் இங்கு
இதற்குக் காரணம் யாரென்று சொல்லு
என்தவறு இதில் ஏதுமே இல்லை
படைத்த நீயும் பதில்தர வில்லை

ஒருபுறம் பாரம் என்றுதான் தவிக்கிறேன்
மறுபுறம் பேறுதான் என்றுமே மகிழ்கிறேன்
பாரமும் தாங்காது பலமுறை புலம்புறேன்
பேற்றினை எண்ணியே ஆனந்தம் கொள்கிறேன்

இரண்டும் நிரந்தரமாகவே இல்லை
இவற்றை எண்ணிட நேரமோ இல்லை
உனக்கும் அதைப்பறிக் கவலையும் இல்லை
இதுஎம்பாடு என்பதே உன்நிலை

சேலம, 18-12-16, இரவு 11.30