Tamil Song 302

சொல்லிப் பயனில்லை

பழசும் புதுசும் பார்த்துவிட்டேன்
கொள்கை பலவும் கேட்டுவிட்டேன்
எடுத்தேன் கவிழ்த்தேன் என்போர்க்கு
ஏதுமே சரியில்லை தெரிஞ்சிக்கிட்டேன்

தத்துவம் பலவும் பேசிடுவார்
தர்க்கங்கள் அனைத்தையும் செய்திடுவார்
தன்வரை என்று வரும்போது
சொன்னது அனைத்தும் மறந்திடுவார்

ஏட்டிக்குப் போட்டி பேசிடுவார்
எதிர்வாதம் பல செய்திடுவார்
எடுத்து அவர்பிழை காட்டும்போது
எவரும் சரியில்லை என்றிடுவார்

வாய்ச்சவடாலுக்கு குறைவில்லை
வாதம் செய்வதும் குறையவில்லை
வாழ்க்கை என்று வரும்போது
செய்வது ஒன்றும் சரியில்லை

இவரைச் சொல்லிக் குற்றமில்லை
இடம் கொடுத்தோர்தான் சரியில்லை
நாமும் அவரில் ஒருவறேன்றால்
இதையும் சொல்லிப் பயனில்லை

மத்திகிரி, 24-4-2017, மாலை 6.30